Le Creuset 食譜@ 一個人既晚餐-肉鬆飯團併醉蛋

原來大家都好like隻流心蛋架bor， 

其實做流心好易 (之前係失敗左n次) 只要記住以下方法， 係一定成功架!

材料

室溫鴨蛋 (當然可以用雞啦， 但一定要用大/加大裝) 水 (水喉水!! 因為要同隻蛋冇禁大溫差)

做法

1. 將鴨蛋放入煲加水直至蓋過蛋面 2. 加蓋用中火燒滾直至見泡泡 3. 泡泡出來就立即要改中小火及開蓋 4. 開蓋後計120秒!! (係要好準架) 5. 夠鐘就立即取出用冰水浸/ 長開水喉水沖 7. 一定要等到蛋凍鳥才可剥殼， 千萬要小心5好整爛隻蛋

完成以上方法想做流心熏蛋， 醉蛋話禁易啦! 不過0雞蛋我5識做!!

因為要睇火，一定要用玻璃蓋。

由於時間關係，今次沒有自己做醉汁。。。買左支現成醉雞汁。 下次有機會會填補番尼個食譜。

用現成汁料會比較"夠咸", 所以浸1小時已經足夠。

飯團

其實係之前做過1次好方便， 1.5杯米用小心心Remakin就可以做到5個。 如果入面既料不是易變壞放1日(當然係雪櫃啦!) 係好好食架! 特別係我家老細， 舟車勞動帶住佢出街方便易食。( 重點係5駛帶住個飯盒周街走)

材料

珍珠米  1.5杯米 水 1:1  飯素 ($12店， 吉豬，一田等都可以買到) 肉鬆 (豬/牛皆可) 份量隨意 飯團模。。。(我的LC又可以出場啦)

做法

1. 做好飯， 先放涼一點飯會較黏好包好多架 2. 加飯素入飯， 拌勻 3. 於一張大過模的保鮮紙放入模內， 先加一半飯壓實小小 4. 放入肉鬆， 再加另一半飯加壓一點 5. 保鮮紙收口位擰實，取出做可。  6. 食時先攞左張保鮮纸 (所以帶出街方便d囉)