食譜＠雞湯香茅三色飯, 金柚青瓜Nuroc mam

大熱天，要食開胃一點
浸左隻嘉美雞起肉，骨用來做湯

一隻差不多三斤重既雞，無可能一餐食曬既，煲大滾水轉極細火浸熟。十分鐘同佢轉一次身，二十分鐘後琴蓋關火焗。落起放凍水降溫就可以起肉。

骨放回水中加其他湯料煲湯用。

雞湯香茅三色飯

煲過雞既湯同油可以盛起加兩條班蘭葉煲飯用。份量同平時煮飯一樣便可。

金柚青瓜Nuroc mam

最麻煩真係做Nuroc man, 自己做可以按個人口味更改，材料主要有： 蒜蓉，辣椒蓉，檸檬汁，黃糖/椰糖，魚露。只要每樣材料逐小放入直至合自己味道便可。

食譜@泰式燒牛肉沙律

天氣時晴時雨

要找點刺激既食

尼個沙律醒胃又醒神

洋蔥半個， 青瓜， 蕃茄切絲

汁料： 魚露， 檸檬汁， 辣椒，糖混合 （冇份量因為按個人口味加減）

肉眼排一件用半茶匙醬油，蒜粉，黑椒醃15分鐘

鑊熱下油， 待出油紋下鑊兩邊煎1分鐘

完成用錫紙蓋1分鐘

切件放上沙律混合食得！